no xe possibile, che ogni volta che un governo zerca de far qualcossa, che fassa l'iteresse de la comunità ghe sia sempre qualchedun che pensa solo al proprio intaresse particolar, come che xe drio far quei de le pompe de benzina che no ghe intaressa un casso che i automobilisti gabia pagà la bensina sempre de più de tuta europa, e adesso che ghe saria la possibilità de sparagnar un franco, i minacia de serar le pompe, che fin che ghe gera da tirar schei, tuto andava ben, sti fioi de putana.
ma fin che ghe sarà e corporassion, come xe che sto paese podarà tirarse su, parchè come che fa sempre tuti i comercianti, i dise, sto ano go ciapà un fià manco schei de l'ano passà, quindi ghe go rimesso!E so col pianto greco, ma i operai che no ghe riva più col salario, quei nimporta: che i se rangia!! e no i capisse che se la zente no ghe la fa più lori, i comercianti, no gavarà più nissuni da vendarghe la so merce e quindi i 'ndarà in caia anca lori.
Beata ignoransa e egoismo.
e 'desso ecco la solita poesia:
El pescaor
La prima luce s-ciara l’acqua chieta
Mentre in çità la zente ancora sogna
E lu xe za sentà ne la barchetta
A srodolar la lenza da la togna
Do bragole da vinti, in bateria
E un fià piu soto trenta schei de piombo,
mezo sardon pontà su l’amo e via …
e l’esca cala lenta verso ‘l fondo
el comio sul zenocio, sostentà,
el brasso rigido ,l’indice disteso,
la man racolta, l’ polso abandonà,
e ‘l police che fa da contrapeso.
Scominsia ‘l ciaro, l’aria xe frescheta,
el tempo passa e no i ga da un becon,
sarà megio impissar ‘na sigaretta:
“ostia che bota! Senti che tiron!”
“Te go ciapà stavolta fiol dun can”
La lenza in pressa vien recuperada
Na man se alterna svelta a l’altra man
E presto sul pagiol salta un’orada
…………………..
El sol xe alto, ormai no i magna piu,
e za se leva la bressa matutina
el mete via la togna fata su,
el porta a casa…. L’unica oradina
Francesco (3 agosto 1982)
2 commenti:
Già ho trattato anch'io, varie volte, questo argomento (vedi l'ultima al link http://sp1938.blogspot.com/2007/01/povera-venezia-o-venezia-povera.html )
Hai ragione, il problema è quello delle "corporazioni" che vogliono imporre, a tutti gli associati, i prezzi, in moda che non ci sia concorrenza. Direi proprio che si tratta di un "cartello".
Io sarei per l'abolizione di quasi tutti gli ordini professionali, a meno che questi non si limitino a vegliare sulla deontologia delle varie professioni. Le tariffe devono essere libere.
Forti pressioni in senso contrario vengono proprio da "ordini potenti", com'è il caso di quello degli avvocati.
Per quanto riguarda la poesia, la trovo molto "simpatica": leggendola mi sono affiorati alcuni ricordi di gioventù, quando andavo ad orate nei pressi di S.Andrea.
Nel terzo verso c'è un errore di battitura. (E lux e, senz'altro va corretto in "e lu xe)
Sono sempre del parere che tu faccia un blog a parte per le poesie.
Saluti
Sergio
caro sergio, te go za dito che me par inutile far un blog par le sole poesie che no xe cussì tante,
el blog saria destinà a finir presto!
Francesco
Posta un commento