cosiderassion de inissio ano

Semo qua tuti, come ogni capodano, a sperar che'l prossimo sia un ano meio de quelo appena passà, che no xe stà un granché, alluvion,tsunami, guere, terorismo e gente, tanta gente che pianxe parché i ga perso fioi, parenti, amissi, ormai semo bituai a magnar co i cadaveri, davanti i oci, in television e te vien da domandarte ma ti Signor dove ti geri?Dacordo che'l to disegno xe imperscrutabile,ma ocore sempre tuta sta soferensa?
ed ecove la solita poesia:

Mascare…


mascare de cartapesta

immagini antiche de furbi Arlechini ridenti

Rosaure ardenti d’amor par Lindoro
el puto de sesto

foresto e senza coragio ma …

d’alto lignagio

e co’l servo in livrea

Brighela fedel servitor ossequiente

Che, roba, impudente, dadrio le spale al paron.

Pantalon che conta i zechini in mezà

Che tira sui prezzi

E crede, coi bezzi,

poder acquistar dignità

Pulcinela

Eterno afamà

Arguto e rufian

Che incarna,

l’alegra tristessa del Napoletan…


mascare…

mascare de cartapesta

che torna ogni ano a far festa

co xe carneval

par darghe, al mortal l’illusion

de star su la scena de un mondo diverso,

più bon,

mimando la parte de quei personagi

che ne” la comedia de l’arte”

ridendo, te invita a desmentegarte

la vera comedia

…la vita

Francesco Cavasin 17.12. 1979

el ritorno del gransio

Ghe xe na roba che no capisso e cioè se el tg1 se ga inacorto che no ghe xe piu el governo Berlusconi!

Parché i continua a propinarne ogni giorno e stesse facce,Fini, La russa, Gasparri, Bondi, Cicchitto, Giovanardi, e i soliti vescovi,cardinali,monsignori e preti semplici, che, cossa tivol che i diga?

Se no tirar l'acqua al mulin de la cesa. E tuti vien a far el so comissieto, a spuar velen sul governo, e me domando?Quando xe che sta maragia finirà de romparne i cogioni e sentiremo parlar de politica seriamente che ghe xe bisogno de capir, ogni tanto!!

Co portavo la taia….(soneto)


Co portavo la taia çinquanta
Pesavo otanta chili, e no novanta
Statura poco più de un metro e otanta
Adesso che go ben passà i sessanta
E me ritrovo co ‘na pansa tanta
E come quei che magna, beve, e canta
Rimpianso un poco la mia taia çinquanta
Che ormai xe deventà taia sessanta

Francesco (21 dicembre 2006)

el ritorno del gransio

Xe morto el povero Giorgio Welby e 'l spetacolo de l'ipocrisia dei nostri politici, se ga rivela dal tutto nei vari dibattiti che go seguio in television, musi de circostansa e pronti a sbranarse pur de portar le proprie tesi politiche, rispettabilissime, ma,come sempre, de parte.
in un mio post precedente gavevo dichiarà el mio schifo e, sinceramente continuo a provarlo!!
No se pol viver in un mondo cussì falso sensa sentirse"a disagio" e no farse ciapar da la malinconia, me vien in mente 'na poesia che oltre a intonarse al prossimo NADAL xe abastansa malinconica:

Xe nato el Signor

Don

din,Don

din,dan

din,don,dan

che vien da lontan

un son de campane distante ne l’aria frizante

d’un Çielo

cosparso de stele comete

e parla de pase e parla de amor

parchè xe Nadal de nostro Signor

bom

bom,bom

bom,bom,bom

continua’lcanon

el canto stonà de la guera

che squassa la tera

la candida neve silente

vien zozo

e se macia de sangue innoçente

la furia de l’odio

ancor no .se quieta.

Xe nato el Signor….

Su n’altro pianeta?

Francesco 26/12/1994

che società vigliacca

Come non parlare dell'argomento del giorno cioè di quel Giorgio Welby
che è condannato, da questa società di merda, a vivere con la sofferenza di un tubo, piantato nell'esofago, e senza la possibilità di toglierselo, quel tubo che, garantendogli la possibilità di respirare, gli sta straziando le carni, provocandogli una sofferenza tale dal fargli agognare la morte.
e tutto ciò , per la vigliaccheria di una società in cui , neanche i giudici sono capaci di prendersi le loro responsabilità; che schifo!!
E mi fa tanto schifo, che non riesco a trovare altre parole, oltre a queste, per continuare a trattare l'argomento.(chiedo perdono ai miei lettori ma sta volta non mi sento di pubblicare alcuna poesia)!

mia Mare che gera'na popolana, sensa istrussion, me diseva, co gero toseto,ricordite, co le fie comportite onestamente e sopratuto no sta illuderle, co sto semplice conceto in mente, me go sempre comportà ben anca se gero come un can da tartufi, sempre in çerca de cucar, e, digo la verità adesso che so vecio, sti ricordi me scalda el cuor e, magari confondendo le date, me ne ricordo tante de quele putele che, forti de la belessa de l'asino, alora, me ga fato girar la testa me ricordo ,come se fusse desso quei viseti freschi che me vardava come se fusse el principe azzuro; e qua ghe vol 'na poesia:

“ me ricordo”

No go mai dito tanto “me ricordo”
Come adesso che passai i sesanta
E fate tante esperiense bele e brute

go acora el cuor che canta
co vedo un bel tramonto.
E saria ancora pronto a rifar
tuto quelo che go fato fin ‘desso

anca se no sò più lo stesso
de ‘na volta parché se cambia
anca dentro.

Me vien spesso in mente
E tosete de quando che gero fio
fresche e tenere co le basavo,
E le strucavo in qualche canton Scuro

e ghe disevo “amor”
credendome de essar
un gran conquistador
col timor de farme incastrar
e perdar la libertà de ‘ndar,
de far, quelo che volevo mi

amesso che lo savesse quelo che volevo
parché gero ancora tanto bauco e no savevo
che ne la vita tuto sucede quando che Dio vol
i monti el mar el çiel la luna e’l sol

xe tuto parte de quel gran disegno
de cui Signor mi çerco de essar degno

Francesco 23.10 2003

A PROPOSITO DE TASSE

Xe tanto tempo che go sta idea,

visto chel'Italia xe el paese dei presidenti, parchè no ghe metemo la tassa sul titolo? Ogni piccola asssociassion ga 'l so presidente,

en circolo dei canotieri, quelo dei scachi, quelo del bridge, i cori

i mile comitati, e po i presidenti che no xe più gnente, vedi i politici, e i continua a ciamarli "Presidente"!!!

mi ghe metaria 'na tassa de 5 euro e, credo , che se faria su dei bei schei, parchè nissun rinunciaria al previlegio de essar ciamà "Presidente"!! Forse la sarà na idea stupida ma , tanto, nei blog, se pol dir quante monae che se vol e ancuo mi go dito la mia! Ai letori libertà de critica.

eventi relativi alla guerra mondiale 39-45

Era notte e una pattuglia di alpini,sci ai piedi,stava percorrendo il crinale che sovrastava il piccolo paese quando Primo, la giovane recluta si avvicina al comandante e gli fa “sior capitano, la vede quella casa , no quella quella più piccola, quella è casa mia, la c’è la mia sposa che non ho neanche fatto a tempo di consumare il matrimonio, mi darebbe un’ora di permesso che la vado a trovare? Il comandante , giovane anche lui – il permesso te lo do ma a un patto che quando torni mi racconti tutto, per filo e per segno – si sior capitano ghe contarò tuto ,parola d’onor e così Primo scivola silenziosamente a valle e arriva alla porta di casa la giovane sposa lo crede quasi un fantasma ; dopo un’ora esatta il giovane rientra alla sua pattuglia e avvicinato dal capitano inizia a raccontargli tutto quello che è successo.

“Mia moglie mi ha buttato i brassi al colo e la subito ghe n’ho fatto una, poi la me dise “ te desideravo tanto e ghe n’ho fatto un’altra -. E poi incalza l’ufficiale -e po’ la me ga dito “Primo cavite i sci e vien dentro!!”

Francesco (2006)

i figli di...... non muoiono mai

Quando in TV, hanno dato la notizia del malore capitato a Berlusconi,
certamente a molti italiani oltre a un normale moto di dispiacere si è accesa una speranziella:vuoi vedere che è la volta buona?
Dimenticando che, nella storia, molti sono i personaggi , cui intere popolazioni, auguravano una precoce dipartita, e , invece, hanno vissuto molto più a lungo della gente comune senza mai perdere i loro previlegi.(come dire che i figli di buonadonna non muoiono mai)!
mi rendo conto che, queste mie considerazioni, sono molto amare e poco "cristiane", ma, devo confessare, che ,un pochetto, ci ho sperato anch'io e me ne pento!
ed ora per sdrammatizzare vi propongo una mia poesia in venessian:

La festa da balo (adolescenza)

Co gero toseto, al sabo de sera,

Sentai al bareto co’ la mé compagnia,

A tanto discuter e tanto parlar parchè la domenega se ‘ndava a balar.

L’eterno problema e fie da invitar

E dopo tiravimo fora la “grana”

Pa’ndar a comprar e paste e l’albana

che’lgera sensaltro de’l vermout più bon

e ghe ne compravimo un bel bottiglion

ma par far più rica la festa dansante

de è volte compravimo un fià de spumante

e ore passava e rivava ‘l momento che

é tose vegniva all’appuntamento

piacere Loretta

piacere Renato

che bela sta biondina

sta qua me la bato

la musica andava, e mi la strenzevo,

e ela ghe stava

balemo sto tango

la gera ‘na piuma

me ipisso un canelo:

“ti vol? no la fuma”

da l’aria la par proprio

na brava putela

la vardo co un aria un fià da bauco

e penso che gnanca sta sera no cuco

co xe finio tuto” ti pol compagnarme?

pero ti prometi che ti farà’l bravo”-

“ma gnanca parlarghene

xe quel che spetavo”

finia la festa ciapemo la strada

e un per de baseti ghe molo in entrada

e dopo la porto nel portego scuro

de no far un casso ormai so sicuro

e boche se çerca che e par afamae

nel portego scuro in meso a la spussa

mi çerco de ‘ndarghe co le man in papussa

e ela me dise ma vardite adesso e mi te ricordo che ti m’ha promesso

de no far el mona

e de rispetarme

lo so che sta volta ciapavo la “carne”

la porto fin casa co i sensi in subuglio

suà come un drago

che gerimo in luglio

xe ormai tanto tempo che no la vedo più

e un giorno la vedo passar par la strada

:madonna che “cesso” che la xe deventada

scordando che ‘l tempo xe fato cussì

el passa par tuti e anca par mì

21.luglio2003

Francesco