E finalmente xe rivada l'epifania(che tute le feste porta via) cussì la finirò de magnar e bevar che so za rivà a 93 kili e quando che giro i angoli se vede spuntar prima la panza dell'omo.Sinceramente, le feste, va ben par i putei e par quei che lavora, ma no par noialtri pensionati che ris-cemo de rimetarghe la salute!
E dopo sta doverosa premessa eccove un'altra de le mie poesie:
El vecio e ‘l zoco
giosse che casca, lagrime de çielo,
sui copi rossi e grigi de le case,
in lontananza, a disturbar la pase,
mosso dal vento, çigola un cancelo.
Su la poltrona, ‘l vecio ninolando
Va zo col pisolo, intanto, sul fogher
A poco a poco se va consumando
Ridoto in bronze, un zoco de nogher.
Par tuti do un tempo ghe xe sta,
che zovani e robusti, su la tera
le forze de la natura i ga sfidà
el sol, la piova , ‘l vento, la bufera.
Le giosse casca lente co’ costanza,
sora ‘l fogher la çenere se ingruma,
osserva, muti, i muri de la stanza,
la vita che pipando se consuma.
Francesco (31.11.1979)
3 commenti:
Hai proprio ragione: finalmente sono finite le feste!
Ogni cosa, alla lunga, stanca (e non solo i pensionati).
A mi le feste me fa malinconia.
Sempre i stessi riti: i regai, i auguri. . . tuti più boni.
Se no fusse par le me quatro nevode,che me ralegra la casa, quando che le fa finta de creder che sia rivà Babo Natale o la Befana, mi vorìa che le feste no ghe fusse proprio. Specialmente S.Silvestro . . . tuti co la butiglia in man a spetar chel mona che dize i numeri al contrario efora i fa i s-ciochi che fa tremar i veri.
cari amici,Sergio e Toni, più che alle mie cosiderazioni, ci terrei ad avere unvostro giudizio, e perdonate l'ambizione, sulle mie poesie
Posta un commento