A PROPOSITO DE TASSE
Xe tanto tempo che go sta idea,
visto chel'Italia xe el paese dei presidenti, parchè no ghe metemo la tassa sul titolo? Ogni piccola asssociassion ga 'l so presidente,
en circolo dei canotieri, quelo dei scachi, quelo del bridge, i cori
i mile comitati, e po i presidenti che no xe più gnente, vedi i politici, e i continua a ciamarli "Presidente"!!!
mi ghe metaria 'na tassa de 5 euro e, credo , che se faria su dei bei schei, parchè nissun rinunciaria al previlegio de essar ciamà "Presidente"!! Forse la sarà na idea stupida ma , tanto, nei blog, se pol dir quante monae che se vol e ancuo mi go dito la mia! Ai letori libertà de critica.
2 commenti:
Mi invesse ghe metarìa 'na tassa a tuti queli che fa finta de savér l'inglese ,ma dopo no i sa gnanca l'italian. Par difenderme da 'sti stupidi,quando che i me parla de "dessain, question taim, splesc daun. . . ", ghe domando se le ze cosse contagiose o da magnar, e me diverto a vedar la facia che i fa. Qualchidun se maravegia e el me domanda:"Come? Non sai l'inglese?" Alora mi ghe rispondo :"NO! Ma se vuole le insegno l'italiano."
caro toni, me piase i to comenti e me diverto a lesarli.
Ciao e a la prossima
Francesco
Posta un commento