Xe morto el povero Giorgio Welby e 'l spetacolo de l'ipocrisia dei nostri politici, se ga rivela dal tutto nei vari dibattiti che go seguio in television, musi de circostansa e pronti a sbranarse pur de portar le proprie tesi politiche, rispettabilissime, ma,come sempre, de parte.in un mio post precedente gavevo dichiarà el mio schifo e, sinceramente continuo a provarlo!!
No se pol viver in un mondo cussì falso sensa sentirse"a disagio" e no farse ciapar da la malinconia, me vien in mente 'na poesia che oltre a intonarse al prossimo NADAL xe abastansa malinconica:
Xe nato el Signor
Don
din,Don
din,dan
din,don,dan
che vien da lontan
un son de campane distante ne l’aria frizante
d’un Çielo
cosparso de stele comete
e parla de pase e parla de amor
parchè xe Nadal de nostro Signor
bom
bom,bom
bom,bom,bom
continua’lcanon
el canto stonà de la guera
che squassa la tera
la candida neve silente
vien zozo
e se macia de sangue innoçente
la furia de l’odio
ancor no .se quieta.
Xe nato el Signor….
Su n’altro pianeta?
Francesco 26/12/1994
1 commento:
Bravo Franco! La penso come ti!
Ancami go scrito do parole sul me blog.Gèro talmente incassà, che me se ga streto un nodo alla gola e go smesso de scriver.
I avoltoi politico-religiosi ga parlà,sensa dir gnente.Elpèso ze che no i gavarà mai el coragio civil de dir gnente..Ipocriti ze dir poco. Qualchidun li ciamava "sepolcri imbiancati".
Belissima anca la poesia.
Posta un commento