adesso che el "berlusca" ga stabilio che i gay se tuti a sinistra cossa se ne faralo de quela manegada de recioni che vota par lu, vustu vedar che el se ga butà a remengo i sondagi e anca sta volta el perdarà?

Mi, digo la sincera verità, spero che sia proprio cussì, e profito par farve lezar la solita poesia:

Cantar insieme

Cantar insieme e çercar l’armonia,
El xe el cantar più belo che ghe sia,
Co le vose se fonde ne la giusta maniera
Xe belo ‘scoltarle de giorno e de sera
Cantando se impara a comunicar,
Dei bei sentimenti, e anca a scoltar.

Intanto che ‘l fondo più scuro se fa
Le zime risplende del sol al tramonto
De ‘l tempo che passa no se tien più conto
La vose vien fora più timida e bela
Se taca a risplender nel çielo ‘na stela
E da l’emossion te vien un languor
Che questa xe l’opra de nostro Signor

Francesco 29 dic 2004 (ore 3.07)